Puilano chwg silai anw kok-khochor tamo ?
Kok-khochor wng kha kaisa kokthai no bara khe swimani eba kaisa kolok kokthaino khochor rwmani , sahep kokbai bono Abbreviation hino. Romdi : Bg, Tk, bk, mg,mgt akorok. Tamo khe barakhe bg,mg,mgt swiphano bono khorangbai saphru eba pori phru khe bg no boromgwnang,mg no mwchang hwnwi sao eba mg,bg,tk rok hwnwi saya.
Phaidi tabuk kok bokhirio hablaisianw,
1. Bg. – Borom Gwnang :
Puilao tongo Bg, bg wngkha kok-khochor eba abbreviation word. Bini full form wng kha borom gwnang, English kok bai boromgwnang no honourable hino.
Romdi: chwng khoroksa tangokra eba minister rokni mung ni swkang borom gwnang eba honourable thepao bohrokno borom rwoi . haikhe abohai borok kotorni mung swina swkang kok-khochor bai bg swio eba thepajakgo. Sahep bai honourable no khe Hon. Hwnwi swijakgo.
2. Bk- Bukhuk :
Bk ni full form wng kha bukhuk. Social media rogo chwng nugwi mano Bukhuk(bk) thepaoi bumung ni swkang swimani, Social media no karwi kokborok bai swijak kokkhal eba article rogo bahaino nugwi mano khoroksa bwrwi ni bumungni bwskango bk swimani, phiya khoroksa bwrwini bumungo bukhuk thepaoi swimani chaswkya se tamoni hinkhe bukhuk ni exact english word miss eba mrs kwlaiswkya tai bukhuk ni taikaisa kokthai eba synonyms wng kha bwrwi eba girl or female English kokbai khe. Bukhuk hinmani abo halok eba relation no bahaino bujio. Romdi- O bukhuknwirok belai kwthalaio. Bukhuknwi hinma khe khoroknwi bwrwi eba two sisters.
3. Tk – Thakhuk:
Tk ni fullform wngkha takhuk. Tk eba Thakhuk kokthaino khoroksa chwlani bumungni bwskago swilaima nugo social media rogo , romdi – Takhuk(Tk.) Khorang Debbarma, takhuk(tk) Naithok Jamatia. Phiyaba khoroksa chwlani mungni swkang takhuk kokthai no manjumani chaswkya se, tamni hinkhe borokni mungni swkang eba bwskango, bwrwi phano wngthu eba chwla phano wngthu, khoroksa borokni bumungni swkang chwla eba man,male,boy kokthaino thepaya , haiyakheba bwrwi eba girl,woman,female kokthaino thepaya khoroksa bwrwini bumungni bwskango, Takhuk kokthai ni taikasa kokthai eba synonyms wng kha chwla , English kokbai khe male eba man, romdi- tongmungno nwng khoroksa chwlani bumungni swkang takhuk thepakhe male or man Rocky Murasing eba chwla Manik Debbarma hwnwi samase kwlaio. Phiyaba takhuknwi, takhuktam hwnwi chwng ringwi mano. Takhuk simi hinkhe khoroksa chwla borokno bujio tai takhuknwi eba takhuktham hinma khe kaisa nukhungni eba khoroksa buma-buphani chwla bwsano bujio eba buta-buphayung no bujio. Romdi- oh takhuknwirok le belai khasio.
4. Mg – Mwchang:
Mg ni fullform wng kha mwchang. Mwchang bo khoroksa chwla nono hinjakgo. Nokthar rogo chwng nugwimano khoroksa chwlani bumungno mwchang no kok-khochor bai mg hwnwi swimani . Abo english kok bai khe mister hwnwi swmajagao eba ringma jagao mwchang hwnwi swijakgo kokborok bai. Phiyaba mister ni exact kokborok kokthaio mwchang kokthai aswk gothokswkya.
5. Mgt- Mwchangti:
Mgt ni full form khe mwchangti. Mwchangti khe khoroksa bwrwino hinjakgo. Khoroksa bwrwino boromrwoi chwng mwchangti hwnwi ringo tai thepai swio khoroksa bwrwini bumungo . Romdi- mgt. Bubar Debbarma. Miss ni jaga kokborok kokthai bai khe Mwchangti(mgt) swio. Abono karwi ,Khoroksa bwrwi siniya no mwchangti hwnwi ringwimano bini mung no khurchayaoi. Romdi- nwng khoroksa bwrwi siniya bai koksana nangwi tongkha phiyaba nwng bini
bumung maya , abohai jorao bono nwng mwchangti hwnwi bono ringwi mano. Phiya miss eba mrs ni exact word mwchangti eba mwchangjwk kwlaiswkya.
6. Mwchangjwk- Mgk:
Mgk. Ni full form wng kha Mwchangjwk. Mwchangjwk bahaino khoroksa bwrwi nono hinjakgo, romdi- Tiprajwk, Uaijwk,Thurukjwl akorok. Mwchangjwk kaisa lobui eba borom rwoi ringma. Tai khoroksa bwrwi siniya no mwchangjwk hwnwi ringwimano bini mung no khurchayaoi. Romdi- nwng khoroksa bwrwi siniya bai koksana nangwi tongkha phiyaba nwng bini bumung maya , abohai jorao bono nwng mwchangjwk eba mwchangti hwnwi bono ringwi mano.
0 Comments