TTAADC ni CEM, CHAIRMAN, EM tai MDCrok Talsao bwswk salary man? Bohrokni power bwswk tong ? Tai TTAADCni CEM, CHAIRMAN,EM,MDCs ni barjao sabo sabo tong o jorao ?

Hi ! friends welcome to Kokborok IQ Education. Kokborok IQ Education ni naharmungrok wngkha chini Tiprasa rokno kuchukgo tisanani tai siswkya wngwi tongmano sirinani nangkukma information ,current affair, History, Science  &  technology , biography  tai podrepod educational  videoni  bisingtwi.

Haikhe phai di tabuk tinini topiceo hablai sianw :

Puilano silai anw 2021 bisini simi 2026 bisi  jora haiyakheba bisiba ni bagwi bo party TTAADC no naikolnai  ?

Chwng jotono saimano talbrwi ni swkang TTAADC chonmario Tipraha Indigenous Progressive Regional Alliens  party nwichichar  achukthaini bisingo kaichichar  achukthaio kwplai wngmani, BJP party khe kaichuku  achukthaio tai kaisa achukthai khe Independent .

Haikhe 2021 nisimi 2026 bisi jora kaiba bisi romwi  Tipraha Indigenous Progressive Regional Alliens party TTAADC ni kwtal naikolphang wngkha ebakhe TTAADC ni administration no chaloknai.

Haikhe tabuk nailai anw TTAADCni kwtal Chairman,CEM,EM tai MDC sabo sabo ?

Chairman podo tongo Boromgwnang Jagadish Debbarma.

CEM ni podo khe Boronggwnang Purnachandra Jamatia.

Dy. CEM Boromgwnang Animesh Debbarma.

EM ni podo tongo khorok sni : 1. Chitta Ranjan Debbarma, 2.Kamal kalai, 3.Suhel Debbarma, 4.Rajesh Tripura,  5.Babha Ranjan Reang  tai  6.Dolly Reang.

MDC tongo jotoi khorok nwichisa , 1. Pradyot Kishore  Debbarma(TIIPRA). 2. Ananta debbarma (TIPRA). 3.Rabindra Debbarma(TIPRA), 4. Umasankar Debbarma(TIPRA), 5. Dhirendra Debbarma(TIPRA), 6. Runiel Debbarma(TIPRA), 7.Ganesh Debbarma(TIPRA), 8.Samrat Jamatia(BJP), 9. Bhowmika Nanda Reang(Independent), 10. Debajit Tripura(TIPRA), 11.  Hongsha Kumar Tripura(BJP), 12. Padmaluchan Tripura(BJP), 13. Sadagar Kalai(TIPRA), 14. Sanjit Reang(BJP), 15. Bimal Kanti  Chakma(BJP), 16. Kangjaong Mog(BJP), 17. Swapna Rani Das(BJP), 18. Sailendra Nath(BJP), 19. Sanjay Das(BJP).  Tai khoroknwi no khe  Govornor appointed khlaio.

Chairman ni responsibility tai power tamo ? Bo bwswk salary man?

TTAADC wngkha kainwi typeni power bai swnamjak , Indian Constitution ni Sixth Schedule ni bisingo. Kaisa khe legislative power tai kaisakhe Executive power.

District council ni Legislative department ni bokhorok eba head wng kha Chairman. Chairmanno kokchabnok  ni speaker hwnwi bo sinijakgo

1.Chairman ni responsibility tai power rok wng kha: Kokchab nokgo buphru, bo talo tai bo Salo kokchablainai a salmari rokno bono swnamo tai saklaio, ADCni assembly o kwtal budget no approval rwnani, Education policy no tuwi, bill, rules tai regulation rokno tuwi kokchablaimarokno approved khlainani rokno chairman ni responsibility tai power. ADC assembly o je bill, rules tai regulation rok passed wngmarokno Governor ni thani informationeba koktun  rohornani akorok wngkha chairman ni samungrok.

TTAADCni chairman talsao rang eba salary mano 30,500 thousand. Thang nai bisinwi bisitham swkango khe 58 thousand ni sai taikisa salary mano phiya thangnai bisinwi bisitham ni simi TTAADcni chairman ni salary Teikisa kubang khe boksingjak kha.

CEMni bwswk power tong tai Salary bwswk man?

CEM talsao salary eba rang mano 30,500 thousand tai tongnani nok,malkhung,security eba escort rok makna mano.

CEM ni power tai responsibility rok wngkha-

1. CEM nibo kaisa stateni Chief Ministerni power tai function tongma haino bini bo responsibility tai power tongo phiya ADC ni bisingo simi.

2.District Council Assembly ni leader wngkha CEM.

3. ADCni Chairman no advice tai recommendation rwnai chief Adviser bo CEMno.

4. Council Executive Member ni chief leader bo CEMno.

5. General administration, finance, law, planning, development, forest, science, technology & environment, co-operative, ICAT ni barja tai phan CEM ni thani no.

EMrokni samung tamo, borokni power bomohai ? EM rok bwswk salary man?

EM eba Executive Member rok talsao salary mano 29  thousand tai tongnani quater nok mano, Escort eba security tai malkhung bahaino free mano.

EM rokni responsibility tai power rok khe juda juda haiyakheba khoroksa EM ni power tai resposibility bai tei  khoroksa EM ni power tai responsibility o pherlaimung tongo. Bahai khe hinmale Bg. EM Chitta ni power tai responsibilities wng kha Education tai PWD department no twi. Bg. EM Animesh ni power tai responsibility khe Agriculture,Industry tai Tribal welfare no twi. So, khoroksa khoroksa EM ni samung tai barjarok juda juda. Teibo kwlai khe sina thang khe saimano- kaisa hasteni council ministers hai EM rok khe District council ni council minister.

MDC ni samung tamo , bwswk power tong tai salary bwswk man?

MDC rok talsao salary mano jotowi 24,000 thousand.

MDCni full form khe Member of District Council. MDC bo hasteni MLA haino vote ni bisingtwi kwplai wngnaino elect khlaijakgo. Bini samungbo kaisa hasteni Legislative Assembly ni member eba MLA ni  duty tai responsible tongma haino MDCni bo duty tai responsible. District Council Assembly houseo kaisa billno pass khlaithani support tai oppose khlainani. A kwtal billno twi cherwi nainani, Disctict Council assembly houseo opposition partyni MDC ni questionno answer rwnani tai opposition ni MDC khe je administration no chalokgwi tongnai CEM,EM rokno question khlainani kwtal bill, rules tai regulation no tuwi. janaija constituency ni lukurokbai malai koksanani lukurokni jwngjalrokno twi akorok.