Suicide eba saksak bwtharmung wngkha tabukni o jorao belaikhe kirimasingcha beram hamya ebakheba loi hamya . Tripura Haste 2019-20 bisio India Haktoro Saksak bwtharwi thwikuknai ni bisingo kaisa sinijak haste , Northeast ni bisingo Sikimni ulo Tripura-ono jotoni slai kwbangkuk suicide commit khlaiwi thwinai bangkugo .
Tangwi suicide khlai?
Suicide eba saksakno bwtharmani kaisano soi soi yarwng naitugwi mano , Abo wngkha saksakno nakarwi manya wngmani .
Phaidi saksakno nakarwi manya hwnmani tamo kisa silainw .
No.1 Jephru-o chwng mungsaswk samung hamya khlai-o eba deraui thángo chwng sakno belaikhe chaya uansugwi , nakarwi manya wngo (ex- tongmung hamya)
No.2 Nogo rang puisa kwrwi -chana Nwngna kwrwi wngphru sakno chaya haikhe uansugwi nakar manya wngo
No.3 Baksani Nukhungo eba Kiching mare songbai halok hamya wngmani bagwi saksakno chaya gosiui saksakno nakarwi manya wngo.(bwrwi -chwla, )
No.4 Saksakni uansukma eba bujimung no buibai kwtharwui manya wngma bagwi saksakno buini slai chikonkhe nukma manya eba sakni pride khibiui manya wngwi sakno nakarwi manya wngo .(Social Media)Jephru borokrok sakno nakarwi manya wngsugwi na‐
karnani lama kwrwijak wngo aphruno borokrok saksak sakno no bwtharwi paio. Kaisa kuisu jagao exceptions
bo tongo , norok ni uansukmung comment khlaidi . Aboni bagwi Suicide Society ni yoknani lama hwnkhe
1.Saksakno nakarnani phrwngnani tei swrwngnani
2. Bupha-buma bwsa bwtwini bisingo halok kaham narwklaina swrwngna nangnai .
3. Kaisa tei kaisani biyal jwngjalo chubalaina nangnai .
4. Khoroksa borok chaya lama-o himwi tongkhe bono hamjakma bisingtwi bujokna nangnai .
5. Kebo chaya lama eba hamyani kiphil khe bono nasleryaui hamjakmungse rwna nangnai
5. Kuwai,biri,chuwak tai drugs chama Batailaimung ni phan chini Society lem khlaina nangnai
Paithago sana muchungo Suicide no twiwi kami kami awaimung eba awareness khlaina nangnai.
0 Comments