Recently Facebook-o hayungni khoroksa mung gwnang Pope Francis “Risa” twijak khe kaisa mangpili viral wngkha. Haikhe Pope Francis lesabo tai biniro bahai khe Tiprasani Risa sogwi kha ?
Catholic dormoni supreme leader eba catholic church ni bokhorok wngkha Pope Francis. Catholic dormoni borokrok bono Holy Father hwnwi bo ringlaio. Bini tongma thaikhe Italy haktorbai nanglaijak Vatican city-o. Vatican city Europe continent-o kwlaio.
Haikhe Chini Tiprasani Risa bahaikhe bini thani sogwikha tai bo bahaikhe Risano manwi bini gwdanao phanwi nakha ?
Mangpilio nugwimano Pope Francis bai chibai rwjak khoroksa sisterno. Haikhe phaidi puilano silainw ow Sister sabo tai bo de Pope Francisno Risa yaphar?
O mangpilini Sister wngkha auxilium girls schoolni former principle tai director. Bini mung khe Celine D’Cunha . 2012 bisio bo Tripura hasteo phaimani Auxilium Girls School ni principle ni thaio samung khlaina bagwi. Abohaikheno principle ni samung khlaimani olo Auxilium Girls Schoolni Director bo wngkha. Haikhe 2012 ni simi 2021 bisi jora Agartala Auxilium Girls Schoolno bo serve khlai kha . Tamokhe bo tabuk kwtal barjamanwi Tripurano yakarwi shillong-o lamrwkha 2021 bisini august taloni 18th salmario. Aboni olo kaisa nangkukma kokchablai panda eba meeting-o manjakna bagwi Vatican City-o bo thang kha.
Khurchatai kwlaio, 2018 bisini May talo kaisa kotor incident wngwi thangphru Sister Celine ni mungwi kaisa allegation wngmani , chini bukhuk lt. Lahari Debbarma bigbazar-o ri-khokyawino khokgu hwnwi koksilchajakmani olo saksak thwimano kitingwi. A jorao Sister Celine Lt. Lahari Debbarmani principle eba Auxilium Girls Schoolni princle ni barjao samung khlai tongmani. A suicide incident no kitingwi NSU bodolno khobwi social mediao kubangma borok baino criticise khlaijak kha Sr. Celine. Phiyaba Sr. CelineAuxilium Girls Schoolni principle tai director ni barjao samung khlai tonphru Schoolo kubangma kaham development tubukha.
Mung gwnang Pope Francis Risano bahai kha mankha tabuk silaianw –
Sr. Celine Tripura ni thangmani olo Italy haktorbai nanglaijak Vatican cityo thangkha kaisa meetingo manjakna bagwi . A meetingono catholic churchni bokhorok Pope Francis no Tiprasa dophani Risa no yapharwi borom rwkha Sr. Celine D’cunha. Tabuk a mangpilini social mediarogo pirjak tongo.
0 Comments