INTERESTING FACTS ABOUT TRIPURA NEW YEAR, TRING 1432

 TRIPURA NEW YEAR BISI BRUM BRUMNO PAILAIJAK PHAIO. PAILAIJAKMANI OKLOKGO KUBANGMA INTERESTING FACTS TONGO ABOROK WNG KHA -

FACT NO. 1 : TRING bisi kwtal bengali new year eba nobo borso ni sai tai bisitham okra . Haiyakhe ba uanjwi rokni bisi kwtal ni sai swkang chini Tiprasa rokni bisi kwtal eba Twipra era chengjak kha. 

FACT NO. 2 : TRING bisi kwtal no puila chengwi rwinai Tripura ni buagra Jujaru pha , bono hamtorpha tai himti hwnwi bo sinijakgo.

FACT NO. 3 : TRING bisi kwtal puila palaijak kha eba khlaijakma khe 590 AD o. 590 AD khe abo English ni bisi. Aphru nisimi no twipra era eba tring hwnwi twipra kingdom ni calendar swnam jakha.

FACT NO. 4 : TRING Tiprarokni kaisa bisi kwtal simiya , TRING ni sal wnkha joto Tiprasarokni kuplai eba victory ni salbo kwlaio . Bahai khe hinmale , a salono Bubagra Hamtor Pha east bengal ni kisa hano kuplai khe  twipra kingdomo thepao. A kuplai salno rwksawino Twipra Era eba Tring bisi kwtal hwnwi saklai kha bubagra hamtorpha.

FACT NO. 5 : TRING hinmani abo kokborok kokthaiya , tamokhe abo kaisa Sanskrit kokthaini short form si , TRING hinmani abo Tripurabda hinma se eba Twipra Era tai Tipra bisikhong hinmani se . Taikaisa kokthaibai abono bisi kwtal bo hwnwi mano.

FACT NO. 6 : TRING bisi kwtal 118th no. King  bubagra hamtor phani simi bisi brum brum palai phaijakmani  phiyaba princely state Tripura republic India bai  1949 bisio merge wngmani yagolo twipra era eba TRING bisikwtal kwcharo kwbangma bisi romwi palaijakliya , phiya tipra dophano hamjaknai tai dophani sinai nuknairokni  chaitokmung bai 1991 bisio  Tripura gov't ni calendar tai diary o tubujakha. Phiya tabukbo Tripura gov't ni bisingtwi Tipra era TRING bisi no officially recognized khlaijakya khu gov't ni revenue department tai agartala municipal council o. 

FACT NO. 7 : TRING eba Twipura erano swng nugwi mano kwbangma bubagra bai swnamjak puisa siki rogo , bubagra jorani kasni mairang rogo  tai  agini kwcham nokni phaklai rogo bahaino TRING hwnwi rikjak rok nugwi mano. Abono karwi  Bubagra Bir Chandra Manikya Swnam langmani agulini kwcham A.G.M hospital ni dalano TRING Bisi ni salmari rok swijak nugwi mano.

FACT NO. 8 : Tripura India bai merged wngmani olo  50 years ni sai kwbang bisi romwi TRING bisi kwtal palaijakya wngwi tongmani yagulo puila TRING bisi kwtal haino hai palaijak phikha 1991  bisini December talni 22nd salmario. Tai 2001 bisini simi khe state level TRING palaijak kha kotor khlai TTAADC ni naikolphang eba authority ni bsisingtwi  saltham romwi TRING bisi kwtal ter eba tring festival  luwalijakha. Abo haikheno 2001 bisi ni simi  tini 2020 bisi jora  chini kwchung laibuma bisi kwtal choyawino palaijak tongo hoho dodom khe hayung gwnangwi.

FACT NO. 9: Laibumao omono puila TRING eba Tipra New Year nisalno officially Holiday hwnwi saklaijakmani TTAADC gov't bai. ADC area-o simi o TRING ni holiday salsa manai bisi brum brumno o bisini simi hwnwi saklai kha Tipra mothani Chairman eba MDC Bubagra Pradyot Kishore Debbarma.

Omorok wngkha nangkukma chini TRING bisi kwtal eba Tipra era ni kwchung tai kuchuk laibumarok . Kha khlaio kokborok IQ Education ni bisintwi norok TRING bisi kwtal no twi huijak tai kwmajak laibumarokno saiman khana hwnwi.
Paithakgo Kokborok IQ Education naitongnai khajani kiching songno bisi kwtal ni paiphlaiya hamjakma yapharo tai Kaitor Tipra dophano o 1432 tring bisi kwtalo hamari kuplung khe rwthung tai mwthang thung . Hambai